اگست 14 1947 ہماری تاریخ کا ایک اہم دن ہے جس دن یہ نظریاتی ریاست لاکھوں لوگوں کی قربانیوں کی صورت میں وجود میں آئی۔ ایک ایسا ملک جو آزادی کی تحاریک کے قافلے میں ایک منفرد مقام رکھتا تھا اس کو ایک اصولی نظریاتی قومیت کی بنیاد پر حاصل کیا گیا ۔ اسلامی تاریخ میں نظریاتی ریاست کی یہ روشن مثال نبی ﷺ کی قیادت میں مدینہ میں اپنا جلوہ دکھاتی رہی اور اس کے بعد پاکستان ایک ریاست کے طور پر وجود میں آیا جس کی بنیاد نظریاتی تھی ۔ قائد اعظم محمد علی جناح نے تحریک پاکستان کی بنیاد یعنی دو قومی نظریہ کو بڑے سادہ مگر تاریخی حقائق پر مبنی انداز میں بیان کیا۔۔۔" پاکستان کی بنیاد اُسی روز پڑ گی تھی جس دن برصغیر کی سرزمین پر پہلا ہندو مسلمان ہوا"۔۔
